KALIBO, Aklan—Parehong nag-angkon it kasamaran ro daywang saeakyan matapos nga magbungguan sa intersection it Archbishop Reyes St., ag Martelino St., Kalibo, pasado alas-5 aga-aga it Lunes.
Owa eon nagtau it anuman nga pahayag ro driver it SUV nga sangka negosyante kamana man ro driver it nakabanggaan kara nga tricycle, sangka utility worker sa Aklan Provincial hospital ag residente it Brgy. Aliputos, Numancia.
Sa mayad nga swerte owa man nag-agum it lastro ro driver it SUV apang nagreklamo it pagpaeanakit it anang eawas ro driver it tricycle ag may nataeupangdan man nga gasgas sa anang butkon.
Ginasugid nga tiempong patabok eon ro SUV sa pihak nga lane sa kahabaon it Martelino St. kat paagto man ro tricycle sa direksyon it Archbishop Reyes St., rason nga pag-abot sa intersection hay na-aeang-aeangan ro daywang driver rason nga nagbungguan ro unahan nga parte it andang saeakyan.
Nagapadayun pa ro imbestigasyon it traffic section it Kalibo Municipal Police Station.
