Matapos ro mahabang paghueat ag binuean nga preparasyon, sa katapusan hay nagpakitang-gilas eon ro Team USA sa 2024 Paris Olympics sa pagbukas it andang kampanya para sa pagdepensa it titueo kontra sa Serbia.
Halin sa nakakadismayang ika ap-at nga puwesto sa 2023 FIBA World Cup sa Manila, ginbag-o it USA ro andang roster ag nagdugang it mga superstars nga sanday LeBron James, Kevin Durant, Anthony Davis, ag Jayson Tatum, pati eon man ro mga first-time Olympians nga sanday Steph Curry ag Joel Embiid, ag iba pa.
Bangud kara, ginpamatud-an it USA ro pagiging reigning Olympic basketball champion matapos nga nagdaog kontra sa Serbia sa score nga 110-84, sa andang unang hampang sa Paris Games.
Ginpangunahan ni Kevin Durant ro mga Amerikano nga may 23 puntos halin sa 8-of-9 nga tira, samtang si LeBron James hay nagtapos nga may 21 puntos, 7 rebounds, ag 9 assists.
Nagpanguna mat-a para sa Serbia si Nikola Jokic nga may 20 puntos.
