Tatlong mag-amigo sa high school students ro nag-attend sa andang prom nga nag-abot sa eskwelahan nga nakasueod sa body bag. Masaming ginapatigayon ro high school prom sa mga eskwelahan sa United Kingdom kada Hulyo pagkatapos it exam ag antes mag summer vacation.
Mag-eowas sa panamian it igasuksok nga eambong, ginapahauman man it mga nagatambong nga estudyante kon paano sanda magaabot sa venue it prom. Ro iba hay magarenta it maeahaeon nga saeakyan ukon limousine para maging bongga ro andang entrance.
Apang, ro naging ideya it 17-anyos nga si Lucas Jameson hay umabot nga naka-body bag! Kasabwat it estudyante ro anang nanay agud nga makaangkon it memorable nga entrance sa prom ro anang onga ag nagmadinaeag-on ro mga raya bangud nga gin-istoryahan imaw sa eskwelahan hasta sa maka-graduate.
Samtang, mabahoe ro pagpasaeamat ni Jameson sa anang ina nga ginsuportahan ro anang kakaibang gimik.
