-- ADVERTISEMENT --
KALIBO, Aklan—Nag-abot sa kabilugan nga 83,942 nga mga turista ro nagbisita sa isla it Boracay umpisa Enero 1 hasta 15 it makaron nga dag-on.
Sa datos nga ginpaguwa it Malay Municipal Tourism Office ko Enero 16, kaabuan sa mga bumisita hay domestic tourists nga nag-abot sa 63,753.
Kapin sa 14,812 man ro numero it mga dumueuong nga turista samtang 5,377 ro Overseas Filipino Workers (OFWs).
-- ADVERTISEMENT --
Ro mataas nga numero hay tuga it pagbuhos it mga turista sa isla para sa selebrasyon it bag-ong dag-on kadungan sa pagbalik sa bonggang fireworks display ag kaugalingon nga bersyon nanda it Ati-Atihan Festival kamana man sa banwa it Kalibo.
Nasayuran nga ko 2022 hay nag abot sa masobra sa 1.75 milyong turista ro nagbakasyon sa Boracay.
