KALIBO, Aklan—Uwa nagapamaeabag ro mga tricyle operators and drivers sa laye nga ginapatuman it gobyerno apang hinyo it mga raya nga inde sanda pagboe-an it pangabuhian.
Raya hay kasunod sa ginpaguwa nga mando ni Department of Interior and Local Government (DILG) Secretary Eduardo Año nga ipatuman eon ro pagbawae sa mga tricycle, pedicabs ag motorized pedicabs sa national highway.
Suno kay Frederick Macavinta it Linabuan Tricycle Operators and Drivers Association ukon LITODA, uwa sanda it mahimo sa national law kundi magsunod kara apang kinahang-ean sigon nga taw-an man sanda it hayga nga inde madueaan it pangabuhian.
Hinyo it mga raya nga umaksyon eon ro munisipyo para kanda samtang uwa pa nabaton it federation ro mandato.
Ginpaathag nga ro andang daean hay imaw ro fourth lane ukon outer lane apang ro problema sigon nanda hay ro mga obstruction kaparehas it mga nagaparking, gulpi nga pagpundo it mgatricycle para magpapanaog ag magpick-up it pasahero.
Suno kana, bukon eamang it sanda ro maapektuhan sa nasambitang mando kundi maging ro mga private tricycle owners ag ro mga commuters.
