KALIBO, Aklan—Gindepensahan ni Mr. Kim Sin Tugna, provincial coordinator it Bagong Alyansang Makabayan ukon Bayan Aklan ro andang grupo angot man sa alegasyon it Philippine Army nga kapurilan ro andang ginapaguwa nga mensahe.
Gin-insister ni Tugna nga bukon it purilon ro andang grupo kundi ro Philippine Army bangud nga ginapakigsukoe eamang it mga raya ro andang tawhanong kinamatarong.
Ginpahayag dugang nga may basehan ro ginapakigsukoe it Bayan Aklan ag iba pang organisasyon.
Aminado imaw nga may kahadlok nga nabatyagan bangud man sa natabo sa iba pang lider it aktibista kon siin naging biktima ro mga raya it extra judicial killing.
Naalarma sigon imaw sa pagpangusisa angot kana it mga kasoldadohan nga temporaryong nagaboard sa C Laserna St. Kalibo.
Samtang, ginpamalibaran man kara ro akusasyon nga nagapabayad sanda nga mga lider ag sa kamatuoran suno kana hay uwa gid it asenso maskin ro andang baeay eon lang kon minatuod gidman nga may ginakamae sanda nga kwarta.
