Naga-abot eon sa haeos 4,000 hasta 6,000 ro numero it mga turistang nagasueod sa Isla it Boracay kada adlaw makaron nga Semana Santa .
Suno kay Chief Tourism Operations Officer Felix delos Santos, kaabuan sa mga domestic tourists hay naghalin sa National Capital Region ag Western Visayas samtang mayoriya man it foreign tourists hay halin sa USA ag Europa.
Sangkiri pa eamang sigon ro halin sa dating top market nga China, Hong Kong, South Korea ag Macau bangud sa travel restrictions sa uman nga pagtaas idtu it kaso it COVID-19.
Base sa datos it Malay Tourism Office, mag-eowas sa European tourists, ro iba pang foreign nationals nga nagbakasyon sa Boracay hay halin sa Asya, Middle East at Amerika.
Ginakabig sigon nga mabahoe nga bulig sa pagbangon it ekonomiya ro mga European tourists bangud nga kilaea sanda nga mabahoe nga maggastos .
Balik eon sa dating pagsik ro ekonomiya ag turismo sa Isla bangud sa pagbukas it mga commercial establishments mag-eowas sa disco bar.
Makaron nga Huwebes Santo, masobra sa 90% it mga pasaherong bumuhos sa Ninoy Aquino International Airport ukon 30 nga flight hay paagto sa Boracay.
