Ginbutang it United Nations ro Israel sa global list it offenders bangud sa pagkamatay it mga pamatan-on sa andang operasyon sa Gaza.
Ginpahayag ni United Nations Secretary-General Antonio Guterres nga ro global list hay ro mga report angot sa mga inunga nga nadaeahig sa nagakatabu nga giyera nga igasumite sa UN Security Council sa maabot nga Hunyo 14.
Ginkakibot man ni Israel Ambassador to UN nga si Gilad Erdan ro nasambit nga desisyon kun sa siin gintawag nana raya nga sangka makahueuya nga desisyon.
Naakig man si Israeli Prime Minister Benjamin Netanyahu sa naging tikang it UN matapos nga ibutang sanda sa “blacklist of history”.
Raya hay nagakahueugan sigon nga matsa ginasuportahan pa kara ro mga Hamas nga ginakabig nga nagapakalhit it kinagamo.
Ginpamilit pa it Israel lider nga ro mga soldado it Israel hay may mataas nga moral sa bilog nga kalibutan ag owa it delusional decision it UN ro makapagbag-o kara.
