Nagpaandam si U.S. President Donald Trump sa Iran ag ginpahayag nga kon atakihon ro Estados Unidos, maeksperyensyahan kara ro bilog nga pwersa it American military it nasyon.
Ginpamalibaran ni Trump nga may kaangtanan ro U.S. sa mga airstrikes it Israel sa Iran.
Apang, gin-ako it US president nga ro Estados Unidos hay nagbulig sa Israel kontra sa mga missile apang uwa nagpasilabot sa mga direktang pag-atake sa Iran.
Ginpabugae pa ni Trump nga masarangan sigon nanda kaibahan ro Israel nga tapuson ro gyera kon gustuhon it mga raya.
Sa pihak nga parte, ginpahayag mat-a ni Iranian Foreign Minister Abbas Araghchi nga may ebidensya sandang nagapakita it pag-suporta sigon it Estados Unidos sa mga atakeng ginhimo it Israel.
Samtang, ginpakigbahin ni Trump nga sa pakikipag-istorya nana kay Russian President Vladimir Putin ginpahayag kara nga dapat magbuligan ro mga nasyon agud tapuson ro tensyon sa tunga it Israel ag Iran.
Apang, madumduman nga ginpahayag it mga opisyal it Russia ro andang padayon nga pagsuporta sa negosasyon angot sa programa it nuclear it Iran.
