-- ADVERTISEMENT --
Ginkaakig it World Health Organization (WHO) ro uwa pagsugot it Israel nga makasueod ro andang international medical team sa Kamal Adwan Hospital.
Ro nasambit nga pabuengan hay gin-atake it Israel sa pagpati nga ginakutaan raya it Hamas militant.
Nagresulta sa grabeng kasamaran ro pabuengan kun siin maabong mga pasyente idto ro naninahan.
Ginakabaeak-an nanda makaron ro pag-abo it mga mamatay bangud sa kawad-an eun it suplay it kuryente nga ruyon ro mabahoe nga bulig sa mga pasyente.
Una eun nga ginkondena it WHO ro padayon nga pag-atake it Israel Defense Forces sa mga medical facilities.
-- ADVERTISEMENT --
