Aprubado eon sa ikatatlo ag pinal nga pagbasa ro Senate Bill No. 2092 ukon ro hagna nga nagadeklara sa bueak nga Waling-waling ukon Vanda Sanderiana bilang National Orchid of the Philippines.
Gin-aprubahan it Senado ro nasambit nga hagna sa Special Session nga ginpatawag ni President Ferdinand “Bongbong” Marcos Jr.
Nakabo-oe raya it 13 nga mga pabor nga boto, owa it nagkontra ag owa man it nag-abstain.
Si Sen. Loren Legarda ro nag-file it nasambit nga hagna ag nagduso sa approval kara sa Senado.
Katuyuan it hagna nga ideklara ro Waling-waling bilang national orchid it nasyon nga owa nagasakripisyo sa Sampaguita nga nadeklarar eon bilang Philippine national flower.
Sa idaeum kara, ginamanduan ro Department of Environment and Natural Resources (DENR) bilang nagapanguna nga ahensya sa pagprotekta, pag-conserve, ag pagpatigayon it propagation it Waling-waling orchid.
Gintaeana man it hagna ro National Museum of the Philippines para magpamuno sa pag-promote it waling-waling orchid ag sa importansya kara sa natural ag kultural nga pamana it Pilipinas ag ko mga Pilipino.
