KALIBO, Aklan—Obligado sa gihapon ro negative RT-PCR test result sa mga menor de edad nga 12 hasta 17 anyos nga turista nga magabisita sa isla it Boracay.
Raya hay base sa ginpaguwa nga advisory ni Aklan Governor Florencio Miraflores.
Kinahangean nga magpakita sanda it vaccination certificate halin sa VaxCerthPH ukon vaccination cards halin sa local government units basta may una raya nga QR code.
Kon owa it QR code, pagabatunon sa gihapon ro vaccination card nga may kaibahan nga certificate of vaccination halin sa vaccination center nga nagpatigayon it pagbakuna nga may contact details.
Ro mga bukon pa it fully vaccinated hay required gihapin nga magpakita it negatibong RT-PCR test result, 72 oras antes ro pagbiyahe.
Ro mga unga nga naga edad it 12 panaba hay indi eon kinahangean nga magsumite it swab test, ag kinahangean eamang nga may kaibahan sanda nga ginikanan ukon guardian.
Umpisa makaron nga adlaw,Nobyembre 16, ginbo-oe eon ro RT-PCR test para sa mga fully-vaccinated nga turista nga magasueod sa Boracay base sa ginpaguwa nga executive order ni Governor Miraflores ko nagtaliwan nga domingo.
