NATIONAL News — Gin-report it Philippine National Police (PNP) nga nakalista eon sanda it 28 nga kaso it aksidente, kaibahan ro pagkaeumos, sunog, ag aksidente sa karsada umpisa sa obserbasyon it Semana Santa.
Suno sa PNP, 16 sa mga insidente hay mga kaso it pagkaeumos sa nagkaeain-eain nga rehiyon, samtang may una man nga daywang aksidente sa karsada sa Metro Manila ag Cagayan Valley.
May tatlong insidente it sunog sa Metro Manila, Eastern Visayas, ag Zamboanga Peninsula, ag sangka kaso it arson sa Negros Island Region.
Maskin nga may mga insidenteng nailista, ginpahayag it PNP nga nagapabilin nga matawhay ro obserbasyon it Semana Santa 2025.
Samtang, para man sa seguridad may una nga 68,465 nga mga pulis ro ginpakalhit sa bilog nga nasyon mag-eowas pa sa mga espesyal nga deployment sa mga simbahan, nagapangunang karsada, mga terminal, ag iba pang pampublikong lugar.
Ginlaygayan man ni PNP Chief Police General Rommel Francisco Marbil ro publiko nga maging madahan, magsunod sa mga patakaran sa kaeowasan, ag insigidang ipahisayod ro anumang insidente sa pinakamaeapit nga estasyon it pulisya sa inyong lugar.
