Patay ro tatlong katawo samtang pito nga iba pa ro naninahan matapos nga araduhon it sangka 18-wheeler truck ro limang saeakyan, gabi-i it Miyerkules, Mayo 28 sa Batasan-San Mateo Road sa Quezon City.
Sa dashcam video, makit-an ro pagsoepot it sangka truck nga may kadasigon ro daeagan.
Insigida nga nagtakilid ro container van hasta eubusan nga natumba ag sumadsad sa karsada.
Kaibahan sa mga gin-arado it trak hay ro sangka kotse, sangka AUV ag tatlong motorsiklo.
Natumba man ro poste it iwag sa center island ag naeumpag ro atop it waiting shed.
Dead on the spot ro 38-anyos nga eaeaki nga nagahueat it saeakyan sa nasambit nga waiting shed.
Samtang, ro sambilog pang namatay hay owa pa nakilaea hasta makaron.
Gindaea mat’a sa ospital ro 49-anyos nga eaeaki nga naga-angkas sa motorsiklo apang gindeklara raya nga dead on arrival.
Magapangatubang ro truck driver sa reklamong reckless imprudence resulting in multiple homicide, multiple physical injuries ag damage to properties.
