Magiging mahinungdanon ro adlaw sa mga atletang Pinoy nga nagahampang sa Paris Olympics. Limang atleta sigon ro magahampag makarang adlaw.
Nagakaeakip raya it mga boksingerong sanday Eumir Marcial ag Nesthy Petecio, rower nga si Joanie Delgaco, swimmer na si Kayla Sanchez ag juduka nga si Kiyomi Watanabe.
Makaingkwentro ni Marcial si Turabek Khabibullaev it Ukraine sa 80 kgs. division bandang 3:04 it agahon sa Miyerkules samtang si Petecio hay makakuntra si Jaismine it India bandang mga 11:38 it gabie, Martes oras sa Pilipinas para sa women’s 75 kgs.
Magahampang man para sa quarterfinals it rowing si Delgaco it women’s single sculls bandang 3:30 it hapon. Maka engkwentro man ni Watanabe si Tang Jing it China sa womens 63kgs. round of 32 it alas-4 it hapon oras sa Pilipinas.
Unang pagsueod man sa swimming ni Sanchez sa women’s 100 meters freestyle it 6:47 it gabie oras sa Piliipnas. Ro 16 nga may pinakamadasig sa 29 swimmers hay abanse sa semifinals.
Nakaeaan makaron ro atensiyon it mga boxing fans bangod kat uwa pa gingbuoe ro 75 kgs. category hay nakabuoe it bronze medal si Marcial ko Tokyo Olympics.
Samtang si Petecio hay nagdaog it silver medal ko Tokyo Olympics. Matandaang nakahueag eon sa masunod nga round si Aira Villegas kat perdihon si Yasmine Mouttaki Morocco.
