POLICE Report — Arestado it mga awtoridad ro grupo it mga lokal nga turista nga nag-agto sa Cebu para mag-shoplifting kadungan it selebrasyon it Sinulog.
Suno sa pulisya, ro mga raya hay nagpanakaw sa nagkaeain-eain nga establisyimento sa nagkaeain-eain nga parte it probinsya hasta nga maaresto sa sangka supermarket sa Barangay Bulacao, Talisay City.
Ginkilaea ro mga naaresto nga sanday Carmelita May Padilla Doriano, 20, Halid Panansar Datuimam, 27, Hilda Mamaril Tomilas alyas “Tala,” 50, Milden Pelejero Muñoz, 37, ag Gina Oliva, 59.
Sanday Doriano ag Datuimam hay halin sa Baguio City samtang ro tatlong iba pa hay naghalin sa Malabon City.
Ro mga suspek hay naka-detain sa custodial facility samtang ginapahaum ro pagpasaka it reklamong theft kontra kanda.
Samtang nagapaidaeum sa interrogation, aminado ro mga suspek nga sa Cebu sanda para panipuslan ro mga aktibidad.
Owa sigon sanda nagduha-duha nga mag-shoplift bangud nga haeuga ro seguridad.
Kaibahan sa mga narekober hay mga bote it shampoo, pakete it mga kape, snacks, baterya ag razor.
