NATIONAL News — Gin-uyog it sangka magnitude 6.8 nga linog ro baybayon it naaminhan-nasidlangan it Lingig, Surigao del Sur, agahon it Sabado base sa PHIVOLCS.
Natabu ro linog, nga tectonic ro ginhalinan ag may daeum nga 9 nga kilometro bandang alas-6:22 it agahon.
Nauna eon nga gin-report it PHIVOLCS nga magnitude 6.5 ro linog, pagkatapos hay na-update raya sa magnitude 6.8.
Ro sentro it linog hay una sa 08.10°N, 127.01°E – 066 km N 85°E it Lingig, Surigao del Sur.
Nabatyagan ro Intensity V sa Lingig, Hinatuan, ag Bisglig City sa Surigao del Sur; Rosario sa Agusan del Sur; ag Maco at Monkayo sa Davao de Oro.
Ro IV man hay naeksperyensiyahan sa Nabunturan, Davao de Oro; ag siyudad it Davao.
Ro Intensity III hay nailista sa Don Marcelino, Davao Occidental; Inabanga, Bohol; ag
Baybay City, Leyte.
Ro Intensity II hay nabatyagan it mga residente sa Mambajao, Camiguin; Sogod, Southern Leyte; siyudad it Cotabato; ag Datu Odin Sinsuat, Maguindanao.
Owa man it ginaeauman nga kahalitan apang nakaangkon it mga aftershocks.
Samtang, ginpahayag it PHIVOLCS nga owa it paeag it tsunami sa natabu nga magnitude 6.8 nga linog.
