KALIBO, AKLAN — Nagakahawag ro pamilya it an-om nga dag-ong ongang babaye nga biktima sigon it pagpanghimueos bangud sa naga-eapta nga mga istorya sa andang lugar nga naboe-an sigon it video ro andang onga it 15-anyos nga suspek samtang ginapatigayon ro paghimueos sa Brgy. Estancia, Kalibo, Aklan.
Bangud kara, desidido ro pamilya it onga nga kasuhan ro suspek nga si alyas “Troy”.
Suno sa ina it biktima, ginahueat eon lang it pulis ro resulta it eksaminasyon sa onga antes daeayon nga dakpon ro suspek nga andang kaeapit-baeay.
Ginpahayag dugang nga nangawa man sigon imaw bangud perming ginausoy it suspek ro anang onga sa andang baeay.
Gin-ako man it biktima nga bukon eamang it sang beses kundi maabong beses eon sigon imaw ginadaea it suspek sa kasagingan ag idto ginahimo ro paghimueos.
Kaangot kara, handom it mga ginikanan it onga nga mataw-an it hustisya ro gindangatan it anang onga.
