-- ADVERTISEMENT --
KALIBO, AKLAN — Nagpadueong eon paadto it Marawi City ro 10 pulis halin sa Aklan Police Provincial Office (APPO) agud magbulig sa pagtugis sa teroristang Maute group.
Suno kay SPO1 Nida Gregas, tagapaghambae it APPO nga ro nasambitang mga pulis hay halin sa Public Safety Company nga kaeabanan hay may ranggong police officer 1.
Kaeakip raya sa 140 pulis nga ginbueo sa Western Visayas bilang dugang nga pwersa kontra sa Maute group.
Samtang, padayon sigon nga naka-alerto ro mga kapulisan sa Aklan umpisa pa kat gindeklara ni Pangueong Rodrigo Duterte ro martial law sa Mindanao.
