KALIBO, AKLAN — Sangka OB-Gyne it Aklan Provincial Hospital ro ginreklamo it medical malpractice it anang pasyente.
Sa interview it Bombo Radyo, ginpahayag it 26-anyos nga misis nga nagpamalibad magpasambit it pangaean ag residente it Malay, Aklan, ginreklamo kara sa Kalibo Police station si Dra. Karen Gracia Magharing matapos nga mamatay ro anang gin-onga nga eapsag nga babaye bangud sigon sa pilit nga pagbira kara paguwa sa anang sinapupunan.
Suno pa sa misis nga nakabati imaw it matsa nabali ro toe-an it anang onga kat birahon it nasambitang doktor.
Samtang, ginpamalibaran ni Dra. Magharing ro akusasyon kontra kana.
Halos 24 oras eon sigon nga patay ro eapsag antes nga gin-onga.
Nakaeksperyensya sigon ro ina it ginatawag nga intrauterine fetal death nga posibleng naubusan it tubi ag nakahigko eon ro ina.
Ginpahayag pa kara nga nakit-ang nakapak-is ro mga panit it eapsag sa liog ag uyahon bangud sa ginatatawag nga macerated tuga it mabuhay eon nga patay ro onga sa sinapupunan.
Nasayuran nga ro eapsag hay panganay nga onga it misis.
