KALIBO, AKLAN — Sa 16 nga barangay sa banwa it Kalibo, owa pa nalimpiyuhan sa illegal nga droga ro 15 nga barangay bangud sa pagbag-o it mga parameter agud madeklarang drug cleared ro sangka banwa.
Solong ro barangay Briones eamang ro gin deklarang drug free sa nasambitan nga banwa.
Suno kay PO1 John Michael Recto, police community relation officer it Kalibo Police station, kaeakip sa mga parameter ro certification maghalin sa Barangay Anti-Drug Abuse Council (BADAC).
Kinahangean man sigon nga magpaidaeum sa community rehabilitation ro mga nagsurrender sa Oplan Tokhang ukon magpaidaeum sa drug rehabilitation center.
Nasayuran nga naga abot sa 426 ro drug surenderee sa Kalibo kun siin ap-at kara ro nakakulong sa pagduso it droga samtang ro sambilog hay nadakpan bangud sa pagpanakaw.
