Daeaga, ginbastos it sangka eaeaki pinaagi sa paghambae it mga bastos nga tinaga

KALIBO, AKLAN — Sangka 21 anyos nga daeaga ro personal nga nagdangop sa Kalibo Police Station matapos nga gina-alegar nga ginbastos it sangka eaeaki pinaagi sa paghambae kana it mga bastos nga mga tinaga.

Natabu ro insidente sa sueod it opisina it biktima partikular ro ticketing office sa pastrana st kalibo.

Suno sa biktima nga gina-tiempo it suspek nga nakilaea kay rommel cua nga owa imaw it kaibahan ag dayun nga nagasueod sa anang opisina ag nagahambae it mga bastos nga tinaga.

Nasayuran nga may dati eon nga record ro suspek sa nasambit nga police station pinaagi sa pag-masturbate sa sangka sementeryo.

Matapos nga ginsita it ibang mga pumueuyu sa nasambit nga lugar hay insigidang nagpaeagiw ro suspek.