KALIBO, Aklan – – – Bangud sa nabitin sa ka-table, sangka construction worker ro nagpanakaw it panty sa Brgy. Manoc-manoc sa isla it Boracay.
Base sa report, naaktuhang nagpanakaw it tatlong bilog nga panty ro suspek nga si Ferdinand Unaria, 32-anyos, tumandok it Cebu City apang, presenteng nagaistar sa nasambitang lugar.
Gin pahayag nga nataeopangdan sigon it security guard nga si Jovannie Española, 23-anyos nga may tawo sa sueod it compound it boarding house bandang alas-11:00 ro kagab-ihon kun siin sa pag-usisa kara hay naaktuhang nagapanakaw it panty ro suspek nga ginapanag-iyahan it ana mismo nga misis ag unga.
Narekober sa anang boesa ro kulay polka dots ag pink nga panty rason nga nagpangayo it police assistance sa Boracay Tourist Assistance Center ro security guard ag dikara ginbit-bit ro suspek sa taeatapan it pulisya kon siin imaw sa makaron temporaryong nakakulong para sa nagakaigong disposisyon.
