KALIBO, Aklan — Puno it paghinoesoe ro sangka unga matapos karang mabun-an ro anang ama sa andang baeay sa Brgy. Agbago, Ibajay, Aklan.
Gin kilaea ro biktimang si Mamerto Almias, Sr., 67 samtang ro suspek hay si Mamerto Almias, Jr., 29, parehong residente it nasambitang lugar.
Base sa report it Ibajay Police Station, samtang naga katueog ro biktima kaibahan ro anang misis hay gin haboy sigon it bote it suspek ro andang baeay bangud sa kahilungon.
Gin hangkat pa kara it away ro anang ama ag sa paggowa kara sa andang baeay hay gin sugaeaw imaw it pagbinuno it unga gamit ro sae-saeaon dahilan agud makaangkon it nina sa anang tuo nga dughan.
Kat makitang duguan ro ama, nahimasmasan raya ag insigidang gin padangat sa ospital apang, pag abot it mga pulis hay gin paaresto raya it anang ina.
Sa makaron hay naga pamayad eon sa Ibajay District Hospital ro ama it suspek.
