KALIBO, Aklan — Nag-angkon it nagakasari-sari nga reaksyon ro pagpanukot it Civil Aviation Authority of the Philippines (CAAP)-Aklan it parking fees sa Kalibo International Airport (KIA).
Sa interview it Bombo Radyo, ginpahayag ni Kalibo Airport Manager Efren Nagrama nga base raya sa Authority Order No. 140-14 nga may petsang Hunyo 10, 2014, apang makaron eamang naipatuman.
Ro tanan nga mga saeakyan nga naka-park sa bisinidad it paeuparan hay magabayad it P20 para sa unang daywang oras ag may dugang nga P10 para sa mga madason nga oras.
Samtang, romga sasakyan it gobyerno, empleyado itairport, concessionaires ag transport service nga regular nga nagasueod sa paeuparan hay posibleng makabuoe it CAAP parking sticker nga balido sa sueod it sang dag-on
Antes ro Boracay closure, sambilog ro Kalibo airport sa mga pinakamasako nga paeuparan sa nasyon nga gina-agyan padto sa isla it Boracay.
