KALIBO, Aklan — Patay ro sangka motorcycle rider samtang ninahan man ro anang angkas nga misis matapos bunguan it sangka pick-up sa Barangay Badio, Numancia, Aklan.
Ginkilaea ro namatay nga si Leo Reyes, 29, samtang ro anang asawang ninahan hay si Analie Reyes, 26, parehong residente it nasambit nga lugar.
Base sa report it Numancia Police Station, maghalin sa Barangay Poblacion ro mag-asawa ag pauli eon kunta kat natabu ro aksidente.
Gin-agaw sigon it kasub-eang nga pick-up nga ginamaneho ni Edsel Socion, 40, residente it Barangay Laguinbanua East it nasambit nga banwa ro linya it motorsiklo pag-abot sa intersection it nasambit nga barangay road.
Nagpaeagiew ro driver it pick-up nga gilayon man rayon nga nagsurender sa kapulisan.
Insigida man nga gin padangat sa sangka pribadong ospital ro mag-asawa, apang namatay samtang ginabueong ro mister tuga it mga gin-agum nga nina sa ueo ag iba pa nga parte it kaeawasan.
Si Socion hay ginkasuhan it Reckless Imprudence Resulting to Homicide and Serious Physical Injury.
