-- ADVERTISEMENT --
KALIBO, Aklan — Nagapangatubang sa kasong qualified theft ro sangka kasambahay makataliwan nga mabisto ro anang pagpanakaw sa Barangay Poblacion, Numancia, Aklan.
Ginkilaea ro suspek nga si Teresita Aguelo, 51, residente itBarangay Joyao-Joyao it nasambit nga banwa.
Base sa report it Numamcia Police Station, nadiskubre it anang amo nga si Ma. Asela Phoebe Rellen, 62, sangka negosyante ag residente it nasambit nga lugar nga naduea ro kapin sa P107,000 nga kita it anang sari-sari store sa ginpatigayon nga inventory.
Nag-umpisa ro andang pagduda kat maduea ro wallet it anang apo nga may sueod nga indi matumod nga balor it kwarta, kung siin, nakita sa CCTV footage nga ro nasambit nga kasambahay ro nagbuoe.
