-- ADVERTISEMENT --
KALIBO, Aklan — Libu-libong plastic bottle ro ginatipon makaron para sa ginahimong hybrid trimaran vessel project sa probinsya it Aklan.
Suno kay Engr. Jonathan Salvador it Metallica Consultancy, naka-imbento sa sakayang pandagat ag residente it New Washington, Aklan nga ro mga plastic bottles hay igabutang sa idaeom it barko agud mag-eotaw.
Katuwang sa proyekto it Department of Science and Technology (DOST) ro Metallica Consultancy ag Aklan State University.
May ikasarang ro vessel nga magsakay it 100 katawo ag ap-at nga saeakyan nga magagamit it enerhiya halin sa humbak it eawod agud mapadaeagan ro makina kara.
Kapin sa P76 million ro gintaeana it DOST ko Pebrero para sa proyekto nga ginaeaumang matapos sa sueod it daywang dag-on.
-- ADVERTISEMENT --
