KALIBO, Aklan — Pabor ro provincial government sa plano it inter agency task force nga limitahan eon lang sa 6,000 halin sa dating 19,000 ro mga turistang pasugtang makasueod sa isla it Boracay kada adlaw sa uman nga pagbukas kara sa Oktubre 26.
Raya hay kasunod it panibag-ong abisu ni Environment Secretary Roy Cimatu.
Suno kay Governor Florencio Miraflores nga ginapaubaya eon lang nanda sa natungdang ahensiya it gobyerno ro pagdesisyon kaangot sa numero it mga local ag foreign tourist nga magapabilin sa isla.
Nasayuran nga masaming nagabuhay ro bakasyon it mga turista sa sueod it tatlong adlaw.
Mahimo eon sigon nga magbueo it flights ag reservations ukon early bookings ro mga gustong magbakasyon sa Boracay.
Kadungan kara ro padumdom sa publiko nga makipag-transaksyon sa mga hotels nga compliant sa regulasyon it gobyerno.
Kinahang-ean eon sigon nandang maghigpit agud inde maadto sa uwa ro an-om nga bueang rehabilitasyon kaparehas it pagpatigayon it beach parties kapareahs it LaBoracay, kon siin libu-libong partygoers ro nagasueod sa Boracay.
