KALIBO, Aklan— Pagaeauman eon ro mas hugut nga seguridad nga igapatuman sa Isla it Boracay sa uman kara nga pagbukas sa Oktubre 26.
Suno kay P/Supt. Jo-em Malong, tagapaghambae it Police Regional Office (PRO-6) nga all set eon ro andang deployment bangud nga owa man nagbawas sanda it mga tawuhan umpisa kat ginpasaraduhan ro Isla ko Abril 26,2018.
Sa makaron suno kana hay igapaidaeaum sa re-structuring ro Malay Police Station nga kon sa siin hay sanda eon ro magadumaea sa Isla it Boracay.
Gindugang pa ni Malong nga masobra sa 600 nga mga pulis ro igapakalhit agud nga magtau it seguridad sa mga turista.
Sa pihak nga parte, naging madinaeag-on sigon ro andang pagbantay sa Isla umpisa nga ginpaidaeaum raya sa rehabilitasyon bangud nga kapin sa 80 percent ro gin-naba sa crime volume.
Maskin nga mabahoe nga hangkat, apang gusto sigon nanda raya nga ma-maintain hasta sa Boracay reo-pening.
Nasayuran nga ro Metro Boracay Police Task Force ro nagabantay sa inner ag outer border control security sa Boracay ag kaiping kara nga mga Isla.
