KALIBO, Aklan— Dismayadong nagreklamo sa taeatapan it Malay Police Station ro magkarelasyong Italian national matapos nga matakawan sa tunga it kasadyahan sa uman nga pagbukas ko Isla it Boracay.
Ginkilaea ro eaeaki nga si Fabio Sidri, 44, samtang nagpamalibad nga magpakilaea ro nobya kara nga puro taga-Italy apang temporaryong nagdayon sa sangka sikat nga hotel sa Barangay Balabag sa nasambitang Isla.
Base sa insiyal nga imbestigasyon it Malay PNP, nadaeasa it mga suspek ro itom kara nga kahita nga may nagkaeain-eain nga cards, masobra sa $60 ag P15,000 cash.
Naboe-an sigon it CCTV phootage ro nasambitang krimen kon siin nasayuran nga ginakaeakipan it tatlong eaeaki ag sangka babaye ro mga suspek.
Gin-igpit sigon it daywa ro biktima ag ro daywa ro nagadiskarte sa pagbueo ko sueod it bag.
Samtang, padayon sa makaron ro ginahimong imbestigasyon it Malay PNP kaangot sa pagkakilan-ean it mga nasambitang suspek.
