-- ADVERTISEMENT --
KALIBO, Aklan— Ninahan ro 13 mga pasahero it sangka L300 Van matapos nga sumunggab sa kongkretong poste it kuryente ag nahueog pa sa eanas sa Barangay Tina, Makato, Aklan.
Ginkilaea ni PO2 Ruel Montoya it Makato Police Station ro driver nga si Maximo Gelito ag residente it Barangay Maloco, Ibajay, Aklan.
Suno kay Montoya nga base sa andang inisyal nga imbestigasyon, nakatueogan sigon ro driver rason nga uwa kara nataeopangdan ro pagsaylo kara sa pihak nga linya it karsada kon siin uwa eon imaw nakapreno pa.
Nagbaliskad ro van antes raya nahueog sa eanas.
Nasayuran nga halin sa Barangay Caticlan, Malay ro nasambitang saeakyan ag paadto kunta sa banwa it Kalibo sakay ro 13 mga pasahero nga puro mga babaye ag kaeabanan hay mga estudyante.
-- ADVERTISEMENT --
