KALIBO, Aklan — Nagbisita sa isla it Boracay ro mga gwapahong winning candidates it Miss Asia Pacific International 2019.
Nauna kara, nagcourtesy call ro mga raya sa lokal nga gobyerno it Malay kon siin nakaangkon it tyansa nga makipaglamanuhan kanda si Acting Mayor Frolibar Bautista.
Ginsug-aeaw it pamunuan it Municipal Tourism Office ro mga daeaga kaibahan ro andang organizer.
Kaeakip sa mga nagbisita sa sikat nga isla hay si Miss Asia Pacific International 2019 – Ms. Chaiyenne Huisman it Spain; 1st Runner-Up – Eoanna Constanza it Dominican Republic; 2nd Runner-Up – Jessica Cianchino it Canada; 3rd Runner-Up – Carolina Schuler it Brazil; ag 4th Runner-Up – Fiorella Cortez Arbenz it Costa Rica.
Nasayuran nga sanda ro mga nagdaog sa Miss Asia Pacific International pageant nga ginpatigayon ko October 9, 2019 sa Resorts World Manila.
