KALIBO, Aklan — Patay ro 79 anyos nga eaeaki matapos sagasaan it sangka pampasaherong van samtang nagapatabok sa karsada sa national highway nga sakop it Brgy. Tabayon, Banga, Sabado it gabi-i.
Nakilaea ro biktima nga si Virginia Teodosio, residente it Brgy. Jumarap, Banga.
Nagapatabok kunta ro biktima kat mabungguan it nagaharurot nga pampasaherong van nga ginamaneho ni Reynaldo Alemen, 36, it Sigma, Capiz nga insigida man nga nagsurender sa Kalibo Police Station.
Nadaea pa ro biktima it rescue team it MDRRMO-Banga sa sangka pribadong ospital apang owa eon naka-abot nga buhi tuga it grabeng lastro sa ueo ag iba pang parte it eawas.
Matapos nga makaangkon it amicable settlement, nakahilway ro driver halin sa pagkakulong sa lock-up cell it Banga Police Station.
