KALIBO, Aklan — Gintaeana it uman sa Nobyembre 12 ro pagtalakay it investigating committee nga gintukod ni Governor Florencio Miraflores agud nga imbestigahan ro isyu sa Aklan Rehabilitation Center (ARC) sa Brgy. Nalook, Kalibo.
Raya hay suno kay Aklan first district board member Nemesio Neron matapos madiskubrehan nga uwa it notaryo ro affidavit of statements it respondents nga ginpresentar ni jail warden Pedrito Escarilla sa plenaryo.
Bangud kara, gindesisyunan it komitiba nga i-reschedule ro imbestigasyon sa nasambitang petsa.
Nauna kara, nag-convene ko nagtaliwan nga adlaw bandang alas-2:00 it hapon ro miyembro it investigating committee agud nga talakayon ro isyu sa pagka-eskapo it daywang ka mga preso it ARC.
Apang bangud sa uwa it notaryo ro documentary evidence hay ginpakamayad nga ipaiway sa masunod nga inadlaw ro imbestigasyon.
