KALIBO, Aklan — Nagapadayun pa sa makaron ro pag- conduct it Aklan Police Provincial Office (APPO) it “Simultaneous Ceremonial Disposal/Shredding of old, faded and unauthorized PNP uniforms”.
Suno kay P/Col. Jane Vega, Public Information Offcer it (APPO) maabo pa sa gihapon ro na- recover nga uniform it mga katapo it kapulisan .
Raya hay ro mga owa naga obserba sa ginapatuman nga tamang paggamit it andang ginabatun nga clothing allowances.
Ro iba pang mga na-confiscate hay temporaryong ginbutang sa mga plastic bag ag ro iba hay natigayon eun nga maieubong.
Ginpahayag dugang nga may mga pulis pa sa gihapon nga owa ginaturn-over ro andang kupas nga uniform ag ginasuksok pa raya sa duty.
Nasayuran nga may sanction nga igapasaka sa sangka miyembro it PNP nga owa nagasunod sa ginapatuman uniform cleansing.
