KALIBO, Aklan—Ap-at nga katawo ro naninahan matapos nga magbungguan ro sangka tricycle ag motorsiklo sa national highway nga sakop it Brgy. Linabuan Norte, Kalibo, Aklan.
Parehong gindaea ro mga biktima sa Aklan provincial hospital nga nakilaea kanday Rey Amador Flores, residente it nasambit nga lugar ag imaw ro nagamaneho it tricycle.
Kamana man ro nakabungguan kara nga motorsiklo sakay sanday Ronel Valenzuela, Frank Jayson Buenafe ag Jun Palmon, puro mga residente it Brgy. Tangke, Roxas City, Capiz.
Ginasugid nga paagto kunta sanda sa andang trabaho sa Caticlan, Malay apang pag-abot sa nasambit nga lugar hay gulping nagtabok ro tricycle nga parehong paagto sa banwa it Kalibo nga direksyon rason nga natabu ro banggaan.
Nagapadayun pa ro imbestigasyon it Kalibo PNP sa nasambit nga insidente.
