KALIBO, Aklan—Suspendido eun ro tanan nga biyahe it eroplano maghalin sa Metro Manila paadto sa probinsya it Aklan.
Raya hay matapos nga magpagguwa it anunsiyo si Aklan Governor Florencio Miraflores angot sa temporaryong suspensiyon it mga byahe bangud sa implementasyon it Modified Enhanced Community Quarantine sa NCR.
Ginaeauman man nga igabawae it mga shipping lines companies, Philippine Coast Guard ag Philippines Ports Authority ro pagpasueod it mga Authorized Person Outside Residence (APORs) ag Locally Stranded Individuals (LSIs) sa tanan nga port sa probinsya, mag-euwas kung raya hay may arrangement sa provincial government.
Samtang ginapasugtan man nga makasueod sa probinsya ro maghalin sa mga lugar nga manaba ro kaso it COVID-19.
Nauna eun nga ginpahayag it Civil Aviation Authority of the Philippines (CAAP) Aklan nga posibleng may matabong kanselasyon it mga naka-schedule nga domestic flights sa Kalibo International Airport.
Kasunod it uman nga pagbutang sa MECQ ro NCR, Bulacan, Cavite, Laguna ag Rizal.
Ginaeaygayan ro mga pasahero nga antes nga magbiyahe hay makipag-angot anay sa andang natungdan nga airline companies agud nga malikawan ro aberya.
