Business News ———-Ginbuksan eon it Pilipinas ro pertahan kara para sa foreign ownership it maeagkuang geothermal projects sa nasyon.
Ginpahayag it Department of Energy nga ginpirmahan eon ni Sec. Alfonso Cusi ro sangka circular kon sa siin nakasueod ro proseso it pagpili sa mga paga-imponeran it renewable energy service contracts.
Nakabaehag sa guidelines it “third Open and Competitive Selection Process (OCSP3)” nga pwedeng kontrolon it mga dumueoong kompanya ro maeagkuang exploration, development ag utilization projects nga may kaangtanan sa geothermal energy.
Suno sa DOE, makabig nga large-scale geothermal project ro sangka proyekto kon may initial investment cost raya nga nagaabot sa USD 50-million bilang kapital pinaagi it kasugtanan.
Nakabaehag sa Saligang Batas nga dapat 60% ro ownership it mga Pilipino sa public utilities.
Apang, gin-insister it opisyal nga pwede ro 100% ownership kon ro paga-istoryahan hay renewable energy.
Sa tunga it 2nd Global Ministerial Conference on System Integration of Renewables, ginpahayag ni Cusi nga kinahang-ean eon mismo it Pilipinas it iba pang pagaboe-an it enerhiya.
