KALIBO, Aklan—Kapareho it ibang banwa, nagpatuman man ro banwa it Ibajay it adjustment para sa new normal nga selebrasyon it Ati-atihan festival sa maabot nga Enero 2021.
Suno kay League of the Municipality of the Philippines (LMP)-Aklan chapter president ag Ibajay mayor Joen Miraflores nga maabo nga mga aktibidad ro maduea sa selebrasyon.
Pila sigon sa mga raya hay ro pagbawae sa pagpatigayun it sadsad, owa it grupong magaguwa ag magapatik.
Raya hay para malikawan ro mass gathering.
Natueopangdan sigon nanda nga mabudlay makontrol ro pagtueompukan ukon pagdueotdutan it mga tawo kun makabati it patik it tamboe.
Ginabawaean man sigon nanda ro pagbaligya sa sueod it andang banwa agud malikawan ro pagdagsa it mga tawo kamana man nga nagpatuman sanda it liquor ban sa mga pampublikong lugar.
Ginpahayag dugang nga maskin ro andang week long celeberation hay kanselado man kaibahan eon kara ro teacher, barangay ag Ibajayhanon night, koronanasyon para sa miss Ibajay, sinadsad sa kalye kamana man float ag ati contest.
Raya sigon hay bilang pagsunod sa mga ginapatuman nga health and safety protocols partikular ro physical distancing agud malikawan ro pagkalhit it COVID-19.
Samtang, ginpasiguro man it opisyal nga una sa gihapon ro viewing sa Sto. Niño sa sueod it simbahan ag misa para sa mga deboto.
