Kalibo Aklan ——–Temporaryong igapaidaeum sa lockdown umpisa Mayo 21 hasta 25 ro Banga Public Market.
Suno kay Banga Acting Mayor Noel “Boy” Redison nga nabilog ro nasambitan nga desisyon matapos nga makalista it 8 ka mga kaso it coronavirus disease 2019 (COVID-19) sa nasambitan nga tindahan.
Madumduman nga ko petsa 15 it presenteng buean hay nagpatigayon it disinfection ro Local Government Unit (LGU)-Banga apang padayun sa gihapon nga nagtinaas ro nailista nga kaso it deadly virus.
Bangud kara, nagpagdesisyunan sigon it Municipal Inter-agency Task Force nga temporaryo anay rayang igasarado.
Nakataeana man nga igapatuman ro “one entry, one exit policy” sa uman nga pagbukas it tindahan ag mandatory nga pagsuksok it face mask ag face shield kung magwarang sa nasambitan nga banwa.
