KALIBO, Aklan—Ginproponer ni Kalibo Sangguniang Bayan member Augusto Tolentino nga pungkuan it legislative ag executive ro isyu sa pagbakae it eugta nga paga-ubrahon nga relocation site it mga vendors sa Kalibo Public Market kun sa siin ginpaboran it man it bilog nga konseho.
Raya hay matapos nga aprubahan it Sangguniang Panlalawigan ro mga proyektong nakasueod sa Muncipal Ordinance No. 2021-031 mag-eowas sa pagbakae it eugta nga nagabalor it masobra P60 million sa Brgy. Andagao, Kalibo.
Plano sigon nanda makaron nga ibalik sa Sangguniang Panlalawigan ro nasambit nga ordinansa para i-request nga ibalik ro pondong ginkaltas sa pagbakae it eugta agud nga maka-usoy sanda it iba.
Madumduman nga nag-loan ukon utang ro lokal nga gobyerno it Kalibo it masobra P691 million sa Development Bank of the Philippines agud nga pondohan ro pilang ka mga proyekto it banwa.
