KALIBO, Aklan—Nagapati ro mga health experts sa Aklan nga posibleng nakasueod eon sa probinsiya ro bag-o ag makataeapon nga COVID-19 variant.
Suno kay Mr. Basil Tabernilla, Executive Assistant to the Mayor nga raya hay sambilog sa mga natalakay sa ginpatigayon nga emergency meeting it Provincial Inter-Agency Task Force ukon PIATF.
Maskin suno kana nga owa pa raya nakumpirma it Philippine Genome Center, apang una ro presensiya it mga senyales ukon patimaan.
Nataeupangdan sigon it nasambit nga mga eksperto nga masyadong madasig ro pagsirit it kaso sa Aklan, nagatapon raya maskin sa mga nabdos ag eapsag kamana man nga may grabeng epekto sa pasyente.
Nasayuran nga ro nasambit nga bag-ong variant nga mas makataeapon ag makamaeatay hay nauna eon nga na-detect nga nakasueod sa Pilipinas.
Sa makaron hay padayun pa nga ginahueat ro resulta it genome sequencing agud nga masayuran kon nakasueod eon gid man raya sa probinsiya.
Sa pihak suno kana punuan eon ro mga pasilidad sa bilog nga aklan apang ginatinguhaan it healthcare workers nga maagapan ro nagatas nga trend.
