Kapin sa 80 katawo ro nagbakwit sa Kalibo municipal hall kasunod it pre-emptive evacuation nga ginpatigayon it LGU

KALIBO, Aklan–Ginatantiyang kapin sa 80 ka mga indibidwal ro nag-evacuate kabi-e sa second floor it  bag-ong building it Kalibo Municipal Hall.

Mismong si Kalibo Mayor Emerson Lachica ro nagbisita sa mga evacuees agud nga masiguro ro andang kaeuwasan bangud sa pagpanaeasa it bagyong Odette.

Nasayuran nga ro mga evacuees hay maghalin sa mga  barangay  it Estancia, Andagao, ag C. Laserna sa nasambit nga banwa.

Samtang,  kanya-kanyang daea man  it andang mga kagamitan ro mga evacuees kapareho it andang mga eogban.

Para man  sa iba pang mga kinahang-eanon hay ginpahayag ni Mayor Lachica nga  owa sanda nagapabaya.

Preparado man sigon sanda engkasong makaangkon pa it grabe nga epekto ro nasambitan nga bagyo.