KALIBO, Aklan—Nagahueat pa it “go signal” ro lokal nga gobyerno it Kalibo halin sa National Inter-Agency Task Force sa pag-arangkada it mga ginpahaum nga mga aktibidad para sa nagahilapit nga Kalibo Sto. Niño Ati-atihan Festival 2022.
Sa ginpatigayon nga press conference, ginpahayag ni Kalibo Mayor Emerson Lachica nga igapaidaeum pa sa review it National IATF ro andang mga nakalinyada nga mga events and activities.
Kaabuan sigon sa mga raya hay puro virtual mag-eowas sa Ati-atihan bazaar ag food fest.
Kaibahan kara ro patik, battle of the ati-atihan bands”, search for mutya it kalibo ati-atihan festival 2022, aww-meow contest para sa mga alagang sapatan ag iba pa.
Ro pondo sigon para sa makaron nga dag-on nga festival hay limitado eamang sa masobra sa 1 milyon pesos agud nga matigayon ag mabatyagan sa gihapon ro kasadyahan it dag-unan nga festival.
Sa pihak nga parte, magapakalhit it mga kapulisan agud nga mabantayan it husto ro pagpatuman it health and safety protocols eabi eon sa mga aktibidad nga ginpahaum it simbahan.
Samtang, pwede sigon nga magpahaum it handa para sa fiesta apang limitado eamang sa mga miyembro it pamilya ag bawae ro bisita.
Madumduman nga kanselado man ro tradisyunal nga sadsad ag ro procession it mga deboto bangud sa paeag it COVID-19.
