Bayan-Aklan, ginsuhestiyon nga dapat tutukan it gobyerno ro pagsuporta sa mga lokal nga mangingisda imbes nga iduso ro pag-import it mga isda

KALIBO, Aklan—Ginbatikos it Bagong Alyansang Makabayan ukon Bayan-Aklan ro tikang it Department of Agriculture angot sa pag-import it pilang klase it isda.

Suno kay Mr. Kim Sin Tugna, Provincial Coordinator it Bayan-Aklan nga nagapamatuod eamang raya nga owa it plano ro gobyerno nga buligan ro mga lokal nga mangingisda para maibangon ro andang pangabuhian.

Bukon sigon it importasyon ro sabat sa kakueangan it suplay it mga isda kundi ro pagplastar it nagakaigo nga tikang kung paano mapaumwad ro food security sa nasyon.

Ginsuhestiyon pa kara nga dapat tutukan it gobyerno ro pagsuporta sa mga lokal nga mangingisda pinaagi sa pagtao kanda it dugang nga kagamitan ag makinarya.