KALIBO, Aklan—Manami nga kahigayunan para sa publiko nga mapamatian ro tanan nga mga kandidato sa kung paalin kara iplastar ro andang mga gustong matabo sa nasyon engkasong magpungko eun sa puwesto.
Suno sa sangka political analyst sa probinsya it Aklan nga si Malyn Villanueva nga puweding gamiton it mga pulitiko ro radyo ukon social media agud nga maipakilaea ro andang kaugalingon sa publiko.
Apang, dapat eamang sigon nga maghaeong sa pagbuhi it mga pangutana ro mga naga-interview nga media sa mga aspirants it nagkaeain eain nga posisyon sa gobyerno.
Suno pa kana nga dapat naka-focus eamang ro mga pangutana sa kung ano ro maubra it sangka politiko kung una eun nakapungko sa puwesto ag ro programa it gobyerno nga anang igatukod engkasong una eun sa posisyon.
Ginpunto pa kara nga dapat ro tanan nga mga nagapadaeagan sa nagahilapit nga eleksiyon hay indi magsaeamaran it imahe it kada isaea.
Sa mga botante man sigon hay iboto eamang ro ginasuportahan nga kandidato ag pabay-an ro iba nga magpili ag indi pag intrahan ro panindugan it iba.
