KALIBO, Aklan—Nag-apela ro Regional Gabriela Women’s Organization sa gobyerno nga respituhon ro kinamatarong it mga pumueoyo nga indi magpabakuna kontra COVID-19.
Suno kay Lucy Francisco, Chairperson it Regional Gabriela Women’s Organization nga owa sanda nagakontra sa vaccination program it gobyerno apang hugut nanda nga ginakondena ro amat-amat nga paghimo kara nga mandatory.
Gintaw-an it punto ni Francisco ro pagpamigos sa mga unvaccinated individual kung siin ginlimitahan eon ro hueag it mga raya matapos nga ipatuman ro “no vaccine, no ride policy” sa mga pampublikong saeakyan ag “no vaccine, no entry policy” sa tanan nga opisina it gobyerno ag pilang estabalisyemento.
Medyo nadueaan eon sigon it kinamatarong ag kahilwayan ro mga pumueoyo nga makaangkon it kaugalingon nga desisyon angot sa pagpabakuna.
Dapat sigon nga maging patas ro gobyerno sa pagpatuman it mga polisiya eabi pa ag maabu nga pumueoyo ro apektado it pandemya.
