-- ADVERTISEMENT --
KALIBO, Aklan—Suportado it mga pumueoyo sa Italy ro pagtuligsa ni Pope Francis sa mga nagapakalhit it pekeng impormasyon angot sa pandemya ag mga bakuna.
Suno kay Bombo International Correspondent Gerlie Ongoco nga nakipagpueong ro Santo Papa sa mga katolikong mamamahayag para magbilog it fact checking network agud nga masuk-ean ro saea nga impormasyon angot sa COVID-19.
Pursigido sigon si Pope Francis nga maghimo it pamaagi agud nga malikawan ro pagkalhit it fake news.
Dugang pa kara nga mas komplikado ro realidad kaysa sa anuman nga ginahuna-huna.
Bangud sa mensahe it Santo Papa hay mas na-engganyo ro mga tawo nga makaangkon it pagbag-o eabi eon sa pagtao it nagakaigo nga impormasyon angot sa presenteng sitwasyon it kalibutan.
-- ADVERTISEMENT --
