KALIBO, Aklan—Mas pang ginpabaskog it gobyerno it Japan ro andang military forces kasunod it nagapadayun nga tensyon sa tunga it Russia ag Ukraine.
Ginpahayag ni Bombo International Correspondent Josel Palma nga may ginadevelop sanda makaron nga sangka weapon nga sarang maka-detect it missile ag makatao it proteksyon engkaso nga mag-umpisa ro kinagamo.
Gin-pullout eon man ro tanan nga Japanese company sa Ukraine agud nga indi eon sanda maapektuhan kung siin ginsaylo ro mga raya sa mas euwas nga lugar.
Sambilog pa sa ginakabaeak-an nanda hay kung madayun ro pag-atake it Russia ag magsuporta ro kada ally it daywa ka mga nasyon.
Engkaso nga matabo, posibleng raya ro maging umpisa it World War III.
Rason nga makaron pa eang hay ginatun-an eon nanda ro mga counter measure nga pwedeng himuon agud nga malikawan ro grabeng kinagamo.
